Mother of Pizzas

营业中

休息中

星期日6:30pm已经大排长龙，用餐时间75分钟，所以都应该好快有位，但唔想热辣辣排队，就要记得早啲订位。*要叫薄饼，就一定系叫18吋大薄饼，切开咗6大件。可以叫一半一半，咁就可以食多啲唔同味道，不过钱就跟贵啲𠮶个~*鸡味浓 18‘’ $398非常特别~薄饼用白汁底，配料有烤鸡红洋葱红椒火箭菜，芝士趁热可以拉丝，而且份量刚好，唔会太多太腻，烤鸡可惜有啲干柴，但味道真系鸡味浓，红洋葱辛辣火箭菜甘苦，口感丰富之余，非常清新，唔会因为白汁底而食厌。上枱嘅时候新鲜热辣，薄饼皮偏薄，松软且焦香，饼边焦香少少干，好重面粉香。因为面头配料多嘅关系，薄饼皮嘅存在薄弱咗唔少。薄饼放喺一个圆形架上面，就算时间耐左饼皮都唔会因为水气湿漉漉。*我的帕尔马 18‘’ $478OMG！估唔到啲巴马火腿系铺满成个薄饼，火腿咸度唔高，而且脂肪含量唔多，非常啱我嘴型。火腿底有啲火箭菜，非常甘苦，可惜巴马火腿同薄饼本体唔系好夹。香蒜芝士焗面包 $148呢个面包同薄饼唔同，相对有厚度，松软偏干身，铺满番茄酱同埋芝士，焗到芝士焦香，可惜蒜香蒜头香弱，比芝士盖过咗。