スーパー丼 (駱克道) (已結業)

铜锣湾日式丼饭首选推荐呢间，熟丼/鱼生丼任君选择，今次去发现店铺刚刚装修完，门口设有吧台位置，充满特色，而且灯光有设计感 拍照打卡都好靓。同店员倾咗几句，知道餐厅宜家系由日本神秘少年厨神Kさん设计菜单！即刻觉得好劲今次点了辣味噌三文鱼牛油果丼，可以加$20转套餐，包括沙律和自家制豚肉味噌汤。呢个辣味噌三文鱼牛油果丼卖相相当精致，兰王蛋黄系亮点，整个丼饭布满辣味噌三文鱼粒和牛油果，呢个经典配搭组合唔使多讲就系夹，饭粒系热饭，粒粒分明，拌匀蛋汁食十分满足！套餐包括沙律和豚肉味噌汤。呢个自家制豚肉味噌汤饮落就系唔同，原来系店家专程向日本师傅取经炮制，入面有豚肉、萝卜等，够晒入味。另外点了店家招牌之一的KURO黑唐扬炸鸡，黑碳炸鸡真系第一次食，卖相大赞，味道都好出色，外脆内嫩。下次嚟铜锣湾一定要试下呢间丼饭，从细节中找到惊喜。