尚鮮海鮮料理 (已結業)

呢几日天气凉凉哋，甚至可以话有少少冻，感觉五月天气唔应该系咁样嘅，咁打边炉应该系最佳嘅选择，虽然香港哋365日都可以打边炉嘅。呢日来到铜锣湾耀东街呢间『尚鲜火锅海鲜料理』，可拣嘅食物都很多样化，睇咗好耐都未落得手，于是店员就挑介咗个『星级之选套餐』，睇吓，真系几好，有齐冷盘，海鲜，牛，猪，(冇羊)丸类，水饺，菜，面，咁就呢个喇。汤底要咗双拼，有养生的姬松茸冬瓜汤底+血池麻辣汤底，我个人觉得海鲜及猪红啱麻辣汤底。海鲜拼盘有虾，圣子，蚬，同埋鳝片，而猪三毛就有猪红，猪皮，猪润。虾够大，够鲜；圣子肉就好爽，记住唔好灼太耐，蚬亦鲜甜无比，系麻辣锅灼过更惹味。猪红本身比较淡味，所以啱麻辣锅。手切安格斯牛，刀功劲，薄薄一片，灼几秒就吃得。木耳鲜虾云吞劲大只，入边有成只虾，好味。鲜菜菌盛就有新鲜生菜，菜心，好新鲜同埋好甜，乌冬亦系高质鸟冬，满意的一餐。