功德林上海素食 (世貿中心) (已結業)

讨论左一段时间究竟系睇「意外」前食咩好，谂左好多唔同既食店，最后BANANA突然提出话去食素，因为佢有张功德林既 $ 100 现金券.... 哈哈，咁还掂都决定唔到食咩，咁就是旦啦，就意外地去左食素啦。去到无咩人㖞，可能因为仲早啦，一坐低个姐姐就系咁叫我地帮衬佢个炖汤... 系咁话好抵，我地台都未坐暖㖞，唔驶咁急呀? 最后我地都拒绝左佢叫佢俾我地睇下先。最后我地两个人叫左个上海冷云吞，几得意，得 4 粒，啱哂我地两个人! 一D都唔滞，当然一D都唔浓味啦，因为佢系素嘛! 我食黎食去都系食到好多菜苗，都唔系好分得清入面有D咩，哈哈!之后就叫左个上海冷面，一黎有十几兜野，咩味都有，我地每次夹少少面只只试均哂! 最好食都系甜甜地既麻酱，好香好食! 醋都OK! 其他就普通啦。个面都几大碟架，食极都食唔完! 个面OK弹牙，口感唔差，冻冻地无咁漏。跟住仲叫个豆腐饺子同埋有唔知咩薄饼 (唔记得左个名)! 豆腐饺子好得意呀，用豆腐代替个皮，一入口好香豆味，好食! 同饺子个味道都夹，又系清清地，有生菜垫底。最后就系唔知咩薄饼啦，佢D馅料好大兜，同饼皮份量唔平衡㖞，饼皮得 6 块，有甜酱掂，令我想起片皮鸭，