麻辣風雲 (京都廣場) (已結業)

星期五约姊妹食饭，放工去铜锣湾骆克道491-499号京都广场5楼的麻辣风云食四川菜，2个女仔又食唔到好多野，就叫2道菜加野饮！菊花蜜 ＄48好香的菊花味，用酒壸上，再配埋个酒碟饮，好有风味成件事好豪气呀！自选干锅的底料已经有莲藕片、椰菜花、莴荀和京葱，再自选最少五款配料，我地拣左肥牛，猪肚，鱼腐，莲藕，鲍鱼和鱼卜有四种口味可选，有葱爆、重蒜、香辣和麻辣，辣度亦可按自己接受程度选择。我地拣左麻辣，个锅劲香麻辣味，今次叫左中辣，因为之前叫左小辣，但觉得一般，所以试下中辣，但又辣得滞😂。一路食一路话辣，但又停唔到口系咁食。椒盐鱿鱼须$148 鱿鱼须即叫即炸的，所以好新鲜，上枱热辣辣。椒鱼洒上椒盐和蒜粒，香脆可又够味。