心之食堂 (裝修中)

一间位于铜锣湾时代广场附近既楼上铺，虽然店铺细细，但系选择够多，放工同朋友黎都唔错～食物全部都好比心机整，可惜知道既人唔多，IG都好似比较少，今次食到好既野都希望同大家分享吓多D人知啦～呢个彩虹卷整得好有心机，卖相吸引，而且入面有炸虾～口感一流。呢度既招牌就一定系呢个心之蛋卷。入面仲有流心芝士，所以食完都有D饱。蟹肉忌廉饼有惊喜，炸得黎完全唔会觉得「漏」，一个人都可以食晒成碟。芦笋海老牛肉卷，酱汁好野味。