星海薈 (利舞臺廣場)

营业中

休息中

今日去咗铜锣湾利舞台星海．星海荟同屋企人饮下午茶，平日下午去酒楼比较少人，坐得舒服啲，服务员服务当然更好。酒楼属于长方形摆位，有一个很大的台，仲有一条长楼梯可以影相，好适合结婚摆酒。化皮腩仔$108，个皮脆到好似薯片咁，肉又半肥瘦好嫩滑，屋企人话好好食，仲话应该用假牙都食到。鲜淮山蟹柳棉花鸡，有好巨型嘅棉花，鸡又好嫩，仲有大大条蟹柳，非常足料。芝士虾球焗伊面，非常多芝士，新鲜虾球又好大只，配上新鲜洋葱甜椒够晒鲜甜，仲好大碟。水晶鲜虾菠菜饺，点心即叫即蒸，特别好食😋甜品嚟返一个热生磨蛋白杏仁茶，好香杏仁味，满足一下另一个胃。