宏發燒臘飯店 (已結業)

今日一个人系铜锣湾行街做个毒自宅女，点知乜收获都无，真系喊出嚟。咁好啦，野买唔到，饭都系要食嘅！有时我都觉得自几传统咖，会中意食下中式野，今晚就食个高级烧味放纵下啦～宏发烧腊就系铜锣湾嘅后街，近住c出口！系呢个旺期有间烧味店其实都几出众～一个人食就食豪啲，见佢双拼都一样价，就要咗烧鹅烧腩骨濑粉，试多款丫麻！份量都几十足咖，两款烧味都有好多件下。先讲烧鹅，肉唔肥，唔韧亦都。带有浓浓嘅油香，皮烧得好有火喉！烧鹅嘅汁仲沾咗落个粉到，令粉都有啖啖嘅烧鹅油香。而烧腩骨同样系呢到嘅招牌之一呀！烧腩皮好脆，肉嫩味香。味道唔会好咸，而且都唔会烧得过干，肥瘦仲好适中。濑粉系我细个好中意食嘅一种粉面，多数都唔系咁易食到。粉软硬适中，吸咗烧味嘅味道好入味。配上几条菜，中和翻啲肥腻嘅感觉！仲叫咗杯冻朱古力，食烧味有得饮，感觉都几新鲜xd虽然称唔上系平同抵，但系铜锣湾嘅旺区，可以食到有水准嘅烧味都好难得喔！