顏府御膳 (已結業)

前排忙到甩辘，连出街食餐饭嘅时间都冇，趁最近有返少少时间，即刻约朋友出去聚一聚！自从之前去过一次颜府御膳之后就比餐厅嘅环境同食物吸引咗，所以决定再去食多次～餐厅环境宽敞舒适，中菜摆盘精致，味道都不错。🥒青瓜海蜇头作为前菜第一道𩠌，食落十分开胃。呢道𩠌除咗有海蜇同埋青瓜，仲有云耳，所有食材都好爽脆！🍆塩烧茄子呢个系前菜第二道𩠌，份量好多。厨师将茄子切成长方条状，令呢碟茄子嘅摆盘望落更加精致。茄子外脆内软，出面仲有少少椒盐调味，无论系口感同味道都好正，系我最钟意嘅一道𩠌。🥣保健老火汤当日饮嘅系冬瓜清补凉汤。我平时都好钟意饮屋企嘅老火汤，今次喺餐厅饮嘅同平时饮开嘅好似，味道鲜甜，啱晒我口味！🥩凤梨咕噜肉伴炸云吞呢个咕噜肉好特别，平时食𠮶啲配菜净系得菠萝，估唔到今次呢个咕噜肉加埋士多啤梨落去煮！加咗士多啤梨嘅咕噜肉，食落较酸同有淡淡果香，依然有甜味。🐔荷香虫草花云耳蒸鸡蒸鸡好大份，食完之后超饱！虫草、云耳、香菇连埋荷叶一齐蒸真系好香，而且鸡肉超滑嫩，火候啱啱好，食完十分满足！