犇之食堂 (已結業)

今日出去铜锣湾食lunch，心思思想饮珍奶，所以去左食台湾野，顺便跟餐饮叫珍奶🧋🤭 呢间餐厅装修行木质调，分咗户外吧枱区，同埋室内用餐区。一入到去坐低就会比一个QR code俾我落单，上餐速度都算快，不过要台式餐厅嚟讲，呢度嘅价钱就有啲贵。宜兰盐酥鸡卤肉饭 ($92)佢个卤肉饭同盐酥鸡分开上，呢个安排都几好，因为卤肉饭啲汁唔会令到盐酥鸡嘅脆皮变淋👍🏻 至于盐酥鸡就好多好大块，炸到好酥脆，盐酥味非常香口。而卤肉饭既酱汁，令到个饭好湿润同入味，我另外加左酸菜(其实系酸瓜)，所以好开胃，我仲可以食晒成碗！冻黑糖珍珠奶茶 (+$18)我叫咗少甜少冰，珍珠既size比较细粒，口感黏糯，但系黑糖味唔算好浓 (可能因为叫咗少甜?!) 个奶茶既茶味比奶味出，但相对地涩味都会多啲。如果要加$18，我下次应该唔会再叫。