影片
更多
2024-08-30
214 浏览
今日同朋友嚟咗呢间位于铜锣湾希慎嘅餐厅食日菜。晚市时段都好full下。大蚬清酒蒸 ($168)卖相好清雅嘅一道菜，有用到少少菊花瓣做装饰。大蚬肥美，大只冇沙，非常鲜味，而且都充满住酒香。个锅亦都有落到啲大葱，完全吸收晒蚬汤嘅精华。炸软壳蟹蟹籽沙律 ($98)个沙律唔会太干身，有足够沙律酱。蟹籽爽脆新鲜。软壳蟹有两大旧，佢个炸粉唔算话好厚，食落有蟹嘅油香同保持到蟹嘅肉汁。亲子丼 ($118)亲子丼用咗日本米，鸡肉嫩滑，配上香滑嘅玉子同埋其他配料好似系冬菇、洋葱等。个饭上嘅时候仲保持到𠮶个热度。串类分别点咗:鳗鱼白烧 ($98)鲜冬菇 ($28)黑糖小甜薯 ($28)鳗鱼质地厚实，肉质仲好Juicy，带有鳗鱼嘅丰富鮨香。个鱼皮微微煎到金黄色，食落好惹味。鲜冬菇烧得唔错，稍加调味已经好好食。黑糖小甜薯非常甜，食落软绵绵咁，系一个唔错嘅饭后甜品。
大蚬清酒蒸 ($168)
卖相好清雅嘅一道菜，有用到少少菊花瓣做装饰。大蚬肥美，大只冇沙，非常鲜味，而且都充满住酒香。个锅亦都有落到啲大葱，完全吸收晒蚬汤嘅精华。
炸软壳蟹蟹籽沙律 ($98)
个沙律唔会太干身，有足够沙律酱。蟹籽爽脆新鲜。软壳蟹有两大旧，佢个炸粉唔算话好厚，食落有蟹嘅油香同保持到蟹嘅肉汁。
亲子丼 ($118)
亲子丼用咗日本米，鸡肉嫩滑，配上香滑嘅玉子同埋其他配料好似系冬菇、洋葱等。个饭上嘅时候仲保持到𠮶个热度。
串类分别点咗:
鳗鱼白烧 ($98)
鲜冬菇 ($28)
黑糖小甜薯 ($28)
鳗鱼质地厚实，肉质仲好Juicy，带有鳗鱼嘅丰富鮨香。个鱼皮微微煎到金黄色，食落好惹味。鲜冬菇烧得唔错，稍加调味已经好好食。黑糖小甜薯非常甜，食落软绵绵咁，系一个唔错嘅饭后甜品。
张贴
