天天海南雞飯 (Fashion Walk)

营业中

休息中

同男朋友行完老铜Donki，顺手响附近揾下野食医肚，试左呢间新加坡过江龙海南鸡饭，鸡肉嫩滑又惹味，环境仲几靓坐得好舒服。❀黑松露墨鱼虾多士❀多士炸到香酥可口，墨鱼烟韧虾肉弹牙，夹埋一齐食口感丰富，黑松露酱好香，好好食😋❀天天海南鸡❀天天海南鸡系会比较滑，而正宗海南鸡就会比较有鸡味，鸡肉份量大概系1/4只鸡，D鸡唔会好肥，肉质嫩滑，仲有姜蓉、辣酱+甜豉油可以点住食。❀古法肉骨茶❀肉骨茶系用上胡椒猪肚汤汤底，个汤呈奶白色，有少少胡椒味，饮落几鲜甜，肉骨煮到好腍，好开心有好多枝竹同豆卜🫶🏻❀食神鱼籽菠萝海鲜炒鸡油饭❀个饭都几大份，觉得够3-4个人食，个饭有好多飞鱼籽铺面，系有虾、蟹黄、木耳、青豆既鸡油炒饭，D饭粒粒分明，又有鸡油香味。❀班兰汁燕窝椰汁奶冻❀见唔太贵同埋几靓就点左，事实证明系值得试下，奶冻好香椰奶味，面头都几多燕窝，班兰汁唔太甜，整体配合得几好。