富山麵家

营业中

休息中

今晚来铜锣湾食日式拉面，呢间拉面店门面好有传统日式风味，大红笼配上木系装修，感觉好似去咗日本咁。冠军黑酱油拉面呢款系日本拉面秀的五年冠军，卖相好吸引，叉烧肥瘦适中，烧过的外皮带一点焦香，切得好薄身，入口泛油香而不腻，质感细致；糖心蛋糖心效果好靓，蛋黄蛋香味浓，蛋白嫩滑；汤底选择左原味，黑蒜香味浓，咸香味中带鲜味；面身非常爽口弹牙，咬落去带有少少韧性，挂汤力不错。黄金蟹糕牛奶沾面牛奶汤底好香浓，creamy得唔会太厚重，有牛奶香味又有少少芝士咸香；面身比起拉面更有韧性，挂汤力强；蟹膏好香浓蟹味，捞埋粟米同蟹柳食好夹。富山鸡翼金黄色卖相好吸引，外皮炸得好香脆，仲加咗芝麻好香，加咗香浓嘅特制酱油好惹味，酸酸甜甜又有少少咸味，内里肉质鲜嫩，咬开爆肉汁好juicy肉汁满满饺子饺子外皮煎得香脆焦香，皮薄馅细滑，菜肉比例平衡得宜，咬开会有肉汁爆出，肉汁鲜味juicy冻鲜泡蜂蜜绿茶士多啤梨杯造型好得意，味道清新清甜，蜂蜜味比较重，茶味比较淡。热白桃绿茶绿茶味比较淡，有少少白桃香。整体来讲，拉面同小食质素高质，价钱合理，仲有个好抵食嘅二人套餐，而且唔使加一服务费；环境好有日本风味，值得推荐。