Undici

营业中

休息中

朋友介绍我话铜锣湾耀华街有间好抵食而且高质嘅西餐。所以今晚经过耀华街就决定去试试。➰ 脆辣鸡芝麻酱凯撒沙律清新嘅凯撒沙律配上香浓醇厚嘅芝麻酱，非常好味，再配上4件厚厚嘅香脆炸鸡，口感非常酥脆，而且炸鸡上还唧上蕃茄酱和沙拉酱，更增加咗口感嘅层次。➰ 秘捞薯条呢个秘捞薯条炸到好香脆，虽然见到有辣椒，唔好以为好辣，只是微微辣而已，可以讲系「香辣」，真系好食到停不到口。➰ 椰香冬阴功海鲜意粉浓郁嘅椰香和酸辣嘅冬阴功汁融入在意大利粉中非常惹味，口感好丰富。海鲜方面有青口、虾和带子，全部海鲜都好新鲜兼且肉质够晒鲜美。➰ 蒜香辣椒蚬肉意大利粉配软壳蟹从未见过用石锅盛意大利粉，呢个真系够晒别。意大利粉充分吸收咗蒜香味而且还带些微辣，在意大利粉当中还有不少饱满嘅蚬肉，蚬肉肉质够晒细嫩，增添咗不少海鲜的鲜美风味。呢个意大利粉嘅主角当然系巨大嘅软壳蟹，软壳蟹炸到外层好香脆，而蟹肉又能保持到松软Q弹，够晒香口。➰ 红肉火龙果梳打呢杯饮品面层充满泡泡感，有火龙果味道再加埋清爽嘅梳打，整个口感够晒清新。➰ 特浓芒果乳酪浓厚嘅乳酪配上香甜嘅芒果，呢杯饮品真系好鬼正。