影片
更多
2023-07-13
202 浏览
之前食过几次都系太古分店食，自助形式都几唔错，今日嚟到铜锣湾再试一试。食物嘅质素系冇问题，不过服务同埋上餐速度有待改善。我哋叫咗炸鸡，过咗半个钟嘅时候催佢话漏咗单，唔紧要，我哋都有耐性等咗一个钟，见到周围嘅人都食晒炸鸡，我哋𠮶碟炸鸡都未到，我再同侍应讲，佢话俾多5分钟内就会出餐， 如果唔系就cancel ❓❓OK冇问题我哋俾尽耐性，体谅餐厅忙碌都等咗5分钟。之后炸鸡都系未嚟，唔知之前同侍应讲嘅时候系咪太友善，有少少欺善怕恶嘅感觉，冇理由我想食炸鸡等咗一个钟头最后取消乜都冇😅之后就加重左语气同佢哋讲，点解你哋出错餐，俾咗两次机会你哋，个鸡都系未到，佢就话要同manager倾吓先，最后道歉亦比左折扣我哋😊如果manager唔系咁有诚意同我哋道歉嘅话，我谂真系会比差评，但都尽咗力去补救就算啦。真系唔理解，点解要啲客发恶先去补救，如果唔闹佢哋，系咪就争取唔到本身想食炸鸡嘅权益？🙃🍴 巴马火腿卡邦尼年糕 $98 另收加一 (8/10)有巴马火腿，生蛋黄，年糕，烟肉碎，食落去好香浓嘅忌廉味，带少少烟肉咸香，年糕非常烟靭，系长条型嘅，食落去有少少似面条，生蛋王增加咗香味，巴马火腿一啲都唔咸，口感好软
我哋叫咗炸鸡，过咗半个钟嘅时候催佢话漏咗单，唔紧要，我哋都有耐性等咗一个钟，见到周围嘅人都食晒炸鸡，我哋𠮶碟炸鸡都未到，我再同侍应讲，佢话俾多5分钟内就会出餐， 如果唔系就cancel ❓❓
OK冇问题我哋俾尽耐性，体谅餐厅忙碌都等咗5分钟。之后炸鸡都系未嚟，唔知之前同侍应讲嘅时候系咪太友善，有少少欺善怕恶嘅感觉，冇理由我想食炸鸡等咗一个钟头最后取消乜都冇😅
之后就加重左语气同佢哋讲，点解你哋出错餐，俾咗两次机会你哋，个鸡都系未到，佢就话要同manager倾吓先，最后道歉亦比左折扣我哋😊
如果manager唔系咁有诚意同我哋道歉嘅话，我谂真系会比差评，但都尽咗力去补救就算啦。真系唔理解，点解要啲客发恶先去补救，如果唔闹佢哋，系咪就争取唔到本身想食炸鸡嘅权益？🙃
🍴 巴马火腿卡邦尼年糕 $98 另收加一 (8/10)
有巴马火腿，生蛋黄，年糕，烟肉碎，食落去好香浓嘅忌廉味，带少少烟肉咸香，年糕非常烟靭，系长条型嘅，食落去有少少似面条，生蛋王增加咗香味，巴马火腿一啲都唔咸，口感好软腍，系几好食嘅，两个人share啱啱好！
🍴无骨炸鸡 一份 蜜糖/柑橘 $208 另收加一 (7.5/10)
名有七件，外脆内软，不过就冻咗少少，有啲炸鸡根本就唔脆❓❓(点解整咗咁耐都唔出餐呢
外面包裹住甜甜嘅蜜糖，几香甜，另一个柑橘就酸酸地几开胃，肉质都算几嫩滑，有肉汁几好食，薯条香脆有薯味，年糕好烟银！
☕️焦糖脆脆鲜奶咖啡 $48 另收加一 (8/10)
焦糖味好香浓好出，唔会好甜，咖啡味道好香，唔会好苦！要快啲食焦糖脆脆，如果唔系会融。
推荐指数: 7/10
嘢食嘅味道系冇问题嘅，都有非常多人排队嚟食，只系送餐速度比较慢，令到今次发生咗唔太愉快嘅事件，希望餐厅可以改善。
张贴
