影片
更多
2022-02-16
162 浏览
最近由一间铜锣湾面包舖制作嘅麻糬波波成为网络上话题小食，经常见到店舖前大排长龙，假日轮候时间甚至以一个小时起跳。🕛根据网上报道得知饼店由前四季饼厨主理，相信成品质素有一定保证，而且价钱相宜，难怪人气高企，大排长龙。可惜小编我今日去排队购买体验十分不愉快，排在我身后嘅顾客亦都怨声四起。以下除咗分享麻糬波波食评，亦会分享排队经验，比各位读者购买前一个参考。👣排队经验 （注：于星期日购买）根据网上资讯，饼店于每日中午12点发售麻糬波波。今日我于12点已到达饼店。店铺前已有十几人等候，眼见并非太长龙于是排队。饼店门外贴有等候时间为20分钟提示，但系去到12点半，仍未见前方龙头移动迹象，直至12点45分先见到店员指示队头嘅顾客进内购买。不过眼见前方只消去几个人，等咗接近一个钟嘅我依然排在第10名左右。。。回头一望，龙尾已有几米远。呢个时候，排在我身后嘅顾客亦开始鼓燥。以饼店资讯显示，理应已经出咗两炉约100个麻糬波波嘅数量。但系最终我排咗一个半钟先买到。而口味上亦只买到原味菠萝皮及最后一个伯爵茶。（如要购买朱古力/抹茶味须再等候15-20分钟）👣排队感想明白店家细，设备唔够大系难以消化大量购买，
根据网上报道得知饼店由前四季饼厨主理，相信成品质素有一定保证，而且价钱相宜，难怪人气高企，大排长龙。可惜小编我今日去排队购买体验十分不愉快，排在我身后嘅顾客亦都怨声四起。以下除咗分享麻糬波波食评，亦会分享排队经验，比各位读者购买前一个参考。
👣排队经验 （注：于星期日购买）
根据网上资讯，饼店于每日中午12点发售麻糬波波。今日我于12点已到达饼店。店铺前已有十几人等候，眼见并非太长龙于是排队。
饼店门外贴有等候时间为20分钟提示，但系去到12点半，仍未见前方龙头移动迹象，直至12点45分先见到店员指示队头嘅顾客进内购买。不过眼见前方只消去几个人，等咗接近一个钟嘅我依然排在第10名左右。。。回头一望，龙尾已有几米远。呢个时候，排在我身后嘅顾客亦开始鼓燥。以饼店资讯显示，理应已经出咗两炉约100个麻糬波波嘅数量。但系最终我排咗一个半钟先买到。而口味上亦只买到原味菠萝皮及最后一个伯爵茶。（如要购买朱古力/抹茶味须再等候15-20分钟）
👣排队感想
明白店家细，设备唔够大系难以消化大量购买，但系轮候时间绝对唔系店家标示嘅20分钟咁短，足足系三倍嘅时间！由第一轮出炉时间已经与说明不符，真系有中伏嘅感觉。但系等候嘅时间已成为沉没成本，唯有继续等，买个包排到好似做检测咁。。。只能祝龙尾嘅人好运。另外每次出炉得一款口味，想等其他款，就会错过新鲜热辣辣食嘅时机。极度怀疑网络好评到底系咪打手。
我喺店家官方IG见不少网友留言投诉排队安排极差，表示如须应付大量人潮亦应派筹以舒缓人流，更何况疫情之下。但睇黎店家无做任何改善措施，好似故意好多人排队以增加店家话题及名气。Anyway相信呢次系我最后一次光顾呢间饼店。
除此之外，我见到有一篇IG文标示菠萝皮麻糬波波系呢闲饼店「全港首创」，但早喺多年前我屋企附近已经有饼店有类似麻糬波波，价钱亦只系$4一个。呢款麻糬包大受街坊欢迎，只系无社交媒体特别报道，所以无一窝蜂人去购买。味道上我觉得差无几。
讲左咁耐，终于到食评
菠萝QQ
$8
4 浏览
0 赞好
0 留言
🍽️菠萝QQ （$8/1件；$15/2件）每人限购6️⃣个
新鲜出炉确系充满牛油香，外皮如菠萝包一样松脆，类近曲奇质地，香而不腻。里面麻糬够烟靭，但并非如网络上所讲可以拉丝。
整体口感非常丰富，有空气感之余亦有咬口。只系冻咗之后，菠萝皮会缩落去变到好扁，店家比嘅透明密实胶袋亦无通风洞疏走水蒸气，唯有自己唔好sip晒个袋。
伯爵茶QQ
$8
5 浏览
0 赞好
0 留言
伯爵茶QQ
$8
7 浏览
0 赞好
0 留言
🍽️伯爵茶QQ
购买当时已经扁塌咗，但对于口感无大影响。一咬下有淡淡伯爵茶味道，但后来被烘香嘅黑芝麻主导成个包嘅味道。呢款味道嘅麻糬比前一个菠萝皮更加厚实，甜度适中。
———————————————————————
各方面味道其实唔错，但未至于网络上好评咁赞到天上有地下无。呢个麻糬波食得出系有诚意嘅包点，水准扎实，但只系店家排队时间唔清晰。排个半钟换6个包真系太浪费时间，所以我唔会特别推荐。
推介指数：💛💛💛🤍🤍 （唔好特登排队）
📌注意事项：
- 屎忽好㾗先好去买⚠️
张贴
