影片
更多
2024-10-29
209 浏览
如果钟意落地玻璃，超靓无敌海景，又想食得养生健康啲，咁就一定要嚟呢间餐厅。一入门口就见到餐厅拎过好多奖，偷偷影低咗佢，有啲系写明老板某啲菜式拎奖，有个应该系由韩国政府颁发嘅大奖。晏昼睇住海景食饭都好写意，屋企人食完都觉得好舒服。‣ 4 courses lunch menu $538/person· Traditional Korean Porridge, Beef, Clam, Korean Seasonal Vegetable话晒写明煮咗十五个钟以上，个粥嘅浓稠度啱啱好，质地细腻、入口顺滑，亦都食到海鲜嘅香味，而我都几钟意佢加咗芝麻油，令到碗粥更加香。米饼都增添咗唔少口感，食完暖笠笠。· Grill Korean Snapper in Seafood Clear Soup面头嘅泡泡都系用高汤打成，隔离有啲辣椒粉令到个汤嘅味道冇咁寡。不过我自己觉得就咁饮已经好好饮，萝卜都好甘甜，而釜山鲍鱼都相当指爽口弹牙，清淡得嚟好舒服。· Grill Australia Wagyu Beef with Homemade Carrot Purée佢嘅胡萝卜泥好滑顺，冇谂过除咗薯仔，原来配胡萝卜泥都几好
‣ 4 courses lunch menu $538/person
· Traditional Korean Porridge, Beef, Clam, Korean Seasonal Vegetable
话晒写明煮咗十五个钟以上，个粥嘅浓稠度啱啱好，质地细腻、入口顺滑，亦都食到海鲜嘅香味，而我都几钟意佢加咗芝麻油，令到碗粥更加香。米饼都增添咗唔少口感，食完暖笠笠。
· Grill Korean Snapper in Seafood Clear Soup
面头嘅泡泡都系用高汤打成，隔离有啲辣椒粉令到个汤嘅味道冇咁寡。不过我自己觉得就咁饮已经好好饮，萝卜都好甘甜，而釜山鲍鱼都相当指爽口弹牙，清淡得嚟好舒服。
· Grill Australia Wagyu Beef with Homemade Carrot Purée
佢嘅胡萝卜泥好滑顺，冇谂过除咗薯仔，原来配胡萝卜泥都几好食。和牛烧得啱啱好，而我都几钟意佢嘅牛扒酱，有韩国嘅特色，味道相对上都系比较温和。
· Slow Cook Jeju Pork Belly with Perilla Leaves, Homemade Barbecue Sauce
餐牌话系济州嘅黑毛猪，食落去嘅时候觉得肥瘦比例几均匀，完全唔会觉得腻，而自制嘅烧烤酱味道亦都啱啱好。每一块五花肉下面有一个块酸白萝卜切片，可以中和到五花肉嘅腻，感觉都唔错。
· Busan Own Farm Rice with Eel Soup with 5 Types Special Banchen
讲明系自家制嘅珍珠米，老实讲啲米系真系几好食，我最后系当佢好似泡饭咁食，浸住食可以将米嘅香味提升唔少。伴菜嚟讲我最钟意都系白饭鱼干，搭配鳗鱼汤真系锦上添花。
· Tea with a traditional Korea Snack
要咗杯蜜糖姜同埋红枣茶，成件事真系超养生，零食方面餐厅就俾咗油菓，韩国传统嘅特色小食。用一杯暖笠笠嘅茶为成个餐作结都几唔错。
张贴
