金羅寶韓國料理

营业中

休息中

呢间韩国餐厅已经喺香港开咗超过廿年，餐厅装潢走传统路线，座位非常宽敞，坐得都几舒服；一打开menu睇到眼花撩乱，有劲多唔同款式嘅韩国传统菜式，菜式啲图幅幅睇落都好吸引，简食咩都谂咗劲耐。🥢前菜一点完菜，侍应好快就上咗好多碟前菜，每一样嘅分量都好多，特别系泡菜，食前菜都会食到好饱肚。咁多款前菜入面，个人比较推介酱烧马铃薯同凉拌鱼饼。🥩烤牛肋骨肉 👍👍呢个真系必食，每一旧牛肋骨肉烤完之后，食落带有浓厚嘅牛肉香味，充满肉汁，即使唔小心烤耐咗，肉质依然都系好嫩滑，值得一赞系餐厅嘅抽气系统做得几好，烧完肉之后个身都无咩油烟味。🐚凉拌螺肉拼冷面呢个菜式好岩钟意食辣嘅朋友，每一旧海螺都沾满辣酱，味道都几新鲜，口感烟韧，份量都好多，食极都仲有好多旧；冷面嘅口感非常弹牙，食之前要先用较剪剪开一半，就咁用筷子好难将面条分开，好岩配埋辣酱一齐食，一冷一热。🍲辣泡菜汤 👍虽然泡菜汤嘅颜色非常红，但味道比想像中无咁辣，配料亦都好多，有猪肉片、豆腐，仲有洋葱同泡菜，味道辣中带少酸，味道好开胃。🍧甜品食到最尾，餐厅仲会送甜品，有红枣茶同雪糕简，雪糕仲有得简曲奇同咖啡味，最尾简咗曲奇味。