金羅寶韓國料理

营业中

休息中

喺大概二十年前，香港嘅韩风仲未吹得咁劲，讲紧系连《大长今》都未面世嘅时候，铜锣湾嘅金罗宝韩国料理就已经出现，金罗宝韩国料理嘅卖点唔系大只oppa店员，反而系有质素嘅韩国餐食，所以多年来仍屹立不倒，深多大众喜爱。以前喺铜锣湾返工嘅A姐主要嚟金罗宝食午餐，今日佢就带我嚟试试佢嘅晚餐啦。泡菜一坐低，店员就送上10碟泡菜，款式之多真系好少见。款款都够晒开胃！牛肋骨汤牛肋骨有四大旧，够晒软腍，而汤底嘅蛋花汤，清清哋仲带有淡淡嘅牛肉香味。牛肉石锅杂锦饭热辣辣嘅石锅饭，听到啲滋滋声，真系好治愈！店员仲会按我哋嘅喜好加入韩式辣酱，帮我哋捞匀。牛肉份量唔少，而拌上蛋黄同韩式辣酱嘅饭底，味道香浓，仲有少少饭焦，好满足。什锦海鲜辣面海鲜有虾、青口同蚬，汤底微辣，但香味十足。细心位系用上韩式乌冬，口感Q弹，挂汤一流。