沙士亞印度餐廳

营业中

休息中

寻日我一个人去咗铜锣湾维园行花展。去花展之前，我就嚟呢间由印度人主理嘅餐厅食lunch。入到去餐厅主要都系二人同四人枱，午市来讲都算坐得舒适，唔使同人搭枱，或者膊头贴膊头咁坐。一望个餐牌，我简直有选择困难症，因为有好多种唔同嘅咖哩菜式拣呀！本小姐好钟意食羊，所以最后都系拣咗咖喱羊肉嚟食。跟餐仲有小食，我就拣咗Tikka Chicken。叫完菜首先就俾咗两块脆饼，点薄荷酱同印色辣酱，小小辣、薄荷味又大美味嘅柠檬味，一食完就好开胃。到主菜加喱羊肉上菜，一嚟到就香气四溢，闻到浓烈嘅羊味，完全冇比被咖喱盖过。羊肉煮得非常之软熟，一啲都唔韧，啖啖肉、黐住少少肥膏，香气扑鼻。个咖喱汁非常正宗，辣得来又唔会令你要不停饮水，令我好饱嘅时候都仲揾跟餐嘅印度薄饼继续点埋啲咖哩佢嚟食。而个Tikka Chicken烧得非常香口，鸡肉好嫩，带有阵阵rosemary嘅味道。结果，小女子将全部嘢食哂啊！买单连加一都只系＄66喺铜锣湾来讲，坐得舒服又好味嘅餐厅，呢间一定冇走鸡！