拉麵凪 (已結業)

喺Instagram见到人哋介绍，即刻走来试吓。其实间铺有少少难揾，以为佢喺大街𠮶边，行咗成条街都揾唔到，原来系要转入条细路入边。个舖头名我都唔识读，店里面地方细细，同其他连锁拉面店冇得比，但系胜在店员十分亲切，用日文欢迎你之后，系你坐低咗之后主动问你要唔要介绍吓餐牌。不过个餐牌都好简单，四种唔同汤底，豚骨就系原味，黑骨就系黑蒜油，赤骨就系辣味，绿骨就系加咗青酱。不过好热情嘅店员仲同我详细介绍左张点餐纸，其实大部份内容如果食开拉面都会知点解，不过最有用果句就系话俾我听碗面净系会跟木耳丝冇蛋冇紫菜，要另外加。碗面上菜都显出店员嘅热情，摆低咗之后会再介绍吓碗面上边𠮶旧黑色嘅嘢系猪肉碎，话俾我听捞匀佢哋嚟食就得。系我最钟意嘅浓郁汤底，但又未到一田家𠮶只有啲黏口嘅口感，都叫适中。拉面系直伸幼面，都十分挂汤，几好食。份量方便算系标准一人份量，大食少少既男性可能要加多个面。本人都几钟意食唐扬炸鸡同埋饺子，今次嗌左炸鸡， $42得三粒其实唔系好抵，不过炸得几好食又Juicy。食得出佢嘅腌料里边应该有柚子，都几清新。另外值得一提嘅就系佢哋因为新开铺，仲未可以收信用卡，只收现金，店员话佢哋向不同公司申请