紅堂 (已結業)

星期五放工去铜锣湾登龙街找野食, 登龙街出名多高质餐厅,最后择左间多好评既红堂火锅试下 。红堂真系好红, 一入到去红红既灯罩加昏暗粉红既萤光灯, 好有气氛。好彩我地7点零到,因为之后好快已经满座。佢地装修特别,近窗边位置既枱好似一间间厢房,有门可以关上,好有私隐度。职员好有礼貌会解释毎种汤底同特别既菜式,汤底我地择左红堂和牛麻辣同花胶鱼肚鸡汤鸳鸯锅,两个汤底都非常入味有料,鸡汤有大大个花胶鱼肚。配料叫左泡淑滑牛肉,羊肉卷,泡淑猪肉炒手,炸午餐肉,紫菜响铃,乌冬,鸭血同冰菜,最特别系可以系纸袋加辣粉或辣油再shake shake加重味道既炸伊比利酥肉,又香口又脆。虾仔灯笼,卖相做到好似虾寿司一样,上面系虾块下面系手打丸,证明厨师既巧手心思。蒜泥白肉水晶丸卖相亦一流,上枱有干烟点缀,估佢吾到,有啲菜仲会有佢地既logo系碟上,可惜相影吾出佢既特别。本人系火锅控又系麻辣控,食过无数既麻辣火锅店,一分钱 一分货,红堂无论服务,食物质素同地点都系我既list入面其中会再去光顾既火锅店 。