Exotica Gelatea (已結業)

铜锣湾闹市中嘅古典风汉堡包店,呢间汉堡包店细细间,隐藏系一条街嘅边边,完全唔起眼,不过都好容易揾到,其实就系喺时代广场后面🙈《Cauldron Burger $119》呢个古代汉堡系佢哋嘅招牌之一,除咗牛肉之外仲加咗青酱芝士,一上枱𠮶阵真系非常之吸睛,直程系打开俾你睇,打卡一流😂调味方面唔会话太过浓味,记得带湿纸巾🤣因为我哋食𠮶阵啲肉汁爆晒出嚟,食到成手都系🙈个人觉得如果芝士可以有啲热溶嘅效果会仲正啲!《Wagyu Burger $119》我哋比较钟意呢个和牛汉堡多啲,明显牛肉味比较浓,和牛真系唔同啲😂不过呢个食落就冇头先𠮶个咁有特色,相对上会普通少少!《Blackcurrant Mango Drink +$35》另外叫左杯饮品,虽然话系黑加伦子芒果,不过偏重黑加仑子味,芒果味唔多觉,都唔算太甜,还好🤭值得一赞嘅系呢间嘅汉堡包好松软,食落好软熟,食完都唔会话好顶胃👍🏻见呢间汉堡包店都有好多雪糕选择,好似都系佢哋嘅招牌之一,大家有机会都可以试吓🤭Exotica Gelatea铜锣湾霎东街49号地舖[⭐️5分为满分]味道⭐️⭐️⭐️环境⭐️⭐️⭐️⭐️服务⭐️⭐️⭐️⭐️价钱⭐️⭐️⭐️推荐⭐️⭐️⭐️⭐️