影片
更多
2018-11-09
173 浏览
我第一次食La Postre，系喺尖沙咀，𠮶间舖头嘅经理好好，服务态度一流。结果男朋友话要再去多次。第二次去我哋就已经join咗做会员。当时用$500去买会员卡，佢就俾返$500现金券我哋。今日我同朋友去食，庆祝生日，首先职员轮流走埋来，明明未食完嘅食物，不停表示想收。全晚我起码讲左五次「未食完。」我都唔知佢哋赶乜嘢。我叫咗甜品，都未上，佢就俾个电话我叫我填问卷俾意见。其实我心谂我未食完㖞。算啦，照同佢填。跟住我未叫埋单，职员就走埋嚟问我使唔使帮我打包食物。下？！我答佢：「未食完㖞。」明明OpenRice写明营业时间去到11pm。 10pm 就走埋嚟叫我埋单。餐饭两个人食咗$800+，咁我夹埋$500现金券找数。为免同朋友解释咁多关于现金券嘅事我都系好低调咁样摄入去bill folder。点知过一阵职员就行埋来，问我会员号码。我已经好唔钟意。从来冇讲过用现金券要会员号码。我照俾佢。转个头又行埋来，话而家公司制度改咗要用Apps。我话张卡系男朋友嘅。我代唔到佢处理Apps，叫职员照正常以往咁做啦。然后佢就大大声话咁同我：「我哋就扣你$400现金券再用信用卡。」我真系怒发冲冠！我想低调你大
今日我同朋友去食，庆祝生日，首先职员轮流走埋来，明明未食完嘅食物，不停表示想收。全晚我起码讲左五次「未食完。」我都唔知佢哋赶乜嘢。
我叫咗甜品，都未上，佢就俾个电话我叫我填问卷俾意见。其实我心谂我未食完㖞。算啦，照同佢填。
跟住我未叫埋单，职员就走埋嚟问我使唔使帮我打包食物。下？！我答佢：「未食完㖞。」
明明OpenRice写明营业时间去到11pm。 10pm 就走埋嚟叫我埋单。餐饭两个人食咗$800+，咁我夹埋$500现金券找数。为免同朋友解释咁多关于现金券嘅事我都系好低调咁样摄入去bill folder。点知过一阵职员就行埋来，问我会员号码。我已经好唔钟意。从来冇讲过用现金券要会员号码。我照俾佢。
转个头又行埋来，话而家公司制度改咗要用Apps。我话张卡系男朋友嘅。我代唔到佢处理Apps，叫职员照正常以往咁做啦。然后佢就大大声话咁同我：「我哋就扣你$400现金券再用信用卡。」我真系怒发冲冠！我想低调你大大声！搞到我有啲尴尬。老实讲现金券都系真金白银买㗎唔系免费㗎啰！仲要我系俾$500唔系$400。我唔想喺朋友面前同职员理论于是我等职员行开咗之后我再行出去柜台问清楚。佢先话系$500。点解咁乌龙！
明明11pm先至系收工时间。佢10:15pm就将音乐熄埋。有冇搞错啊！我同朋友庆祝生日，要嘅系气氛，我都未走你又未关舖，点解连音乐都要熄埋！基本上就系用佢个态度不停叫你快啲走唔好阻住佢收工。
我真系好嬲。我系尖沙咀La Postre嘅体验系好好。但嚟到铜锣湾呢间，我好失望。职员咁嘅服务态度又成日想赶你走咁样，唔怪得10pm已经成场冇晒人得返我同个friend两人。La Postre 嘅高层，希望你正视一下铜锣湾员工嘅工作态度，唔好影响你餐厅嘅名声。
老实讲呢间餐厅嘅食物系靓、特别同埋几好食。今次嘅食物亦都冇失水准。所以厨师依然值得一赞。
我建议大家去La Postre，就去尖沙咀𠮶间。
张贴