日喜樓 (已結業)

𠮶日经过登龙街，同班同事下见到一起楼开咗系地库，就决定第日去试吓。之前喺旧舖食过一次晚餐，觉得佢啲小点好精致好好味，唔知lunch有冇呢啲嘢食呢？原来佢系做lunch set比较多嘅，都几抵食，一个面+1个小食，铜锣湾来讲呢个价钱都算合理。要咗个油淋鸡加担担面lunch set，佢啲鸡真系做到好滑好嫩，要做系有层香由淋上去，有啲似口水鸡，配埋担担面，系完全上海菜嘅套餐。之后叫佢啲小菜share，咕噜肉，小笼包同锅贴，小笼包真系非常推介，皮薄，汤汁好多，新鲜蒸出嚟真系好吸引。锅贴个皮比较厚少少，可能因为佢要煎所以唔可以太薄，但相对来讲都算出色。相反个咕噜肉卖相就真系争小小，呢个价钱来讲其实佢可以多番少少材料，不过惊喜位系佢啲肉处理得好好，亦都唔会太酸，配饭食一流。