小曼谷泰國美食站

营业中

休息中

喺铜锣湾想揾良心餐厅但食厌左西餐，就去左呢间泰国菜，以泰国餐厅黎讲佢都几有格调，唔知系咪叫美食站嘅缘故，佢嘅装修以车站为主题，门口有个火车头摆设同路牌，墙身有行李架同齿轮装饰，当日仲有驻唱歌手唱泰文同英文歌添。🍽泰皇咖喱法包软壳蟹面包焗脆后挖空中间装泰式咖喱，配料有红椒、青椒、洋葱等，辣度唔高，成块面包浸满汁食都无问题，软壳蟹炸到脆卜卜又多膏，分量颇多，建议两至三人分享。 🍽泰式马拉盏炒通菜望落好似好多辣油咁但辣度适中，马拉盏咸香惹味，同爽脆嘅通菜好夹。 🍽小曼谷海南鸡饭一开始见到全部都系鸡胸有少少失望，但好彩食落都唔会鞋，个蒜蓉辣汁捞饭唔错，另配芫荽汤可暖暖胃。