心之食堂 (裝修中)

一听到心之食堂呢个名，即刻联想起日本套戏《深夜食堂》😂😂今晚大概九点嚟到，人唔算多，老细安排我地坐喺靠窗位置，呢度真系比到我日式居酒屋感觉!装修唔会话太奢华，平实得嚟又会令人一见难忘。挂上墙的两部单车、贴满铁板的木门......我地点餐系用本过咗胶的簿，用水笔写上去再原本交比店员，都几方便又环保﹗邪恶包首先上桌 (心形碗装住𠮶个，唔记得影独照)﹗系紫菜包住两片带子，两片带子里面又再夹住块鹅肝，食到我朋友眼都睁唔开，好滋味呀﹗烧物方面我地嗌咗盐烧鸡翼、烧香草猪颈肉同芦荀海老牛肉卷：朋友好钟意个鸡翼每一啖都好有味，腌得好好！我钟意猪颈肉好大件，好有口感😍😍芦荀牛肉卷粒大虾的味道好突出，同牛肉味好夹，下次嚟一定会覆桌呢味!我地仲嗌咗汁烧牛肉饭同彩虹卷，牛肉饭虽然系用碗装，但牛肉同饭量都唔少架，味道亦十分唔错，十分推荐！彩虹卷唔单止卖相靓，材料仲好丰富😍唔使点酱油已经够晒味道浓郁！最后仲有芝士炸鸡（$68）同蒜香烤焗茄子（$68），炸鸡连埋拉丝芝士，上枱热辣辣，正😍茄子蒜味真系超浓，浓到我返到屋企仲有阵阵蒜味喺口腔散发出嚟😂钟意饮酒嘅朋友可以慢慢拣啲酒品，但我地就无饮，嗌咗苹果醋醒一醒胃！