牡蠣小屋

营业中

休息中

依间日本餐厅主打日本牡蛎，装修以木系色为主调，装修雅致。门口摆放住好多原只生蚝，有两边吧枱、四人榻榻米座位及普通位。餐厅由日本人主理，采用日本直送新鲜食材，店内亦有唔少日本员工，仲播放住日本电视台，令人仿如置身于日本💕❀ 铁盒烧生蚝 (半打) 🦪嚟到必点既招牌菜之一✨ 店员会先将原只广岛生蚝放入铁盒，并加入清酒烧七分钟。烧完之后店员会即场拆开蚝壳上碟，未食见到已经好吸引😍 生蚝好大只，肥美饱满，口感嫩滑。用清酒煮令生蚝更鲜甜多汁，食落蚝味浓郁又带有淡淡海水味～餐厅仲附上两款唔同辣度既广岛柠檬辣酱，可以自行调味～❀ 特大吉列蚝 🦪吉列蚝炸得金黄酥脆，炸粉虽然偏厚实，但并无遮盖到蚝既咸鲜味，亦能锁住蚝汁。蘸上他他酱及日式吉列猪排酱，味道更惹味，绝对唔比生食逊色❀ 特上刺身拼盘 🐟摆盘劲靓💕 总共有七款刺身，每款两件，包括：北海道海胆、帆立贝、吞拿鱼、牡丹虾及三款时令刺身 (拖罗、油甘鱼及鲷鱼)。全部都系新鲜厚切，当中最钟意食海胆、帆立贝、及牡丹虾😋 海胆入口即溶好creamy，帆立贝鲜甜爽滑，而牡丹虾肉质饱满鲜甜，细绵爽弹❀ 银鳕西京烧定食 🍱银鳕鱼系以西京渍腌后再烧，外皮烧得好香脆，鱼肉