籠太子點心專門店 (已結業)

睇戏之前明明食咗碗车仔面，唔知我系未二度发育呢？因为一睇完戏出嚟，我个肚又打鼓喇！其实喺铜锣湾有唔少宵夜选择，但今日我同A姐竟然胃同步，好想饮茶食点心呀！结果我哋嚟到铜锣湾嘅笼太子点心专门店，叹番一盅两件，好满足呀！笼太子虾饺皇餐厅叫做笼太子，又点可以唔食餐厅嘅招牌 - 笼太子虾饺呢？呢度嘅虾饺真系好好味，皮薄剔透，虾肉又多又弹牙，够晒新鲜呀！鲜虾烧卖皇烧卖一向系A姐最爱，所以我哋梗要选择一笼四粒啦！烧卖劲多蟹籽，而由于虾同猪肉嘅比例啱啱好，除咗爽口弹牙，仲劲多肉汁，够惊喜。鲜虾菜苗饺菜非常清甜，虾非常新鲜，比例啱啱好，食落非常有口感。略嫌皮太薄，夹起嘅时候，馅料流晒出嚟，但味道其实唔错。雪山叉烧包雪山叉烧包一向受A姐欢喜，但可能夜茶关系，所以雪山叉烧包已经唔够热辣辣，而且叉烧份量极少，比较失望。蜜味叉烧肠相反，呢个叉烧肠嘅叉烧就够晒多，而且肠粉够滑，即叫即蒸，好好味。凤爪排骨饭最估唔到系呢个凤爪排骨饭简直系今晚嘅亮点。排骨好入味，凤爪又唔会蒸到淋pat pat，更重要系饭底索晒排骨嘅肉香味，唔使落豉油都够惹味。