White Hse. (已結業)

餐厅布置好有心思，从天花板到墙壁都布满干花装饰，令人仿如置身于花花世界，环境舒适，当中以粉红及红色两大花墙为热门打卡点。除左环境靓，餐厅更以花入馔，食物质素都唔错，为视觉及味觉带来双重享受～❀ 二重奏忌廉烟肉芝士猫耳朵芝士味香浓，仲有拉丝效果，食落好creamy，有满满既忌廉汁及芝士，啱晒芝士控。猫耳朵煮得有咬口烟韧又好挂汁，啖啖都食到芝士及酱汁，配埋烟肉及蘑菇，口感丰富又唔会腻❀ 韩式泡菜烟鸭胸炒蝴蝶粉好少见用泡菜炒蝴蝶粉，依个配搭都几夹，味道微辣。蝴蝶粉软硬度适中，配埋酸酸辣辣既泡菜及鸭胸肉，蝴蝶粉挂汁唔会干，好惹味。餐厅特意选用蝴蝶粉，以鲜花作点缀，令卖相更吸引～❀ 蝶豆花绿茶加入蝶豆花做成渐层效果～卖相吸引！味道系蜂蜜绿茶味，好清甜。记得要搅匀完先饮呀～❀ 紫薯牛奶紫薯牛奶饮落有少少似饮紧奶昔，奶味重，有著淡淡既紫薯味，好香又唔会太甜腻⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆👅味道：⭐️⭐️⭐️⭐️📸环境：⭐️⭐️⭐️⭐️🤵服务：⭐️⭐️⭐️⭐️💎CP值：⭐️⭐️⭐️💫(5⭐️为最高分)⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆