悠蔬食 (渣甸中心) (已結業)

注意，呢间系蛋奶素既餐厅，如果全素人士要望清楚餐牌。有set dinner，六个主菜既选择都吸引的，令人心大心细。汤要左每样一个试。中汤超足料，炖得好清。忌廉汤黑松露好劲，好creamy。头盘三款，三个都好食。不过山药同红菜头就大路野。觉得黑豆较为特别，推介。手卷我就无咁推介，个人唔太钟意苜蓿既味。千层面芝士味浓，所以都几饱吐。特别位系有紫薯，甜甜地又几衬。青咖哩比外面既无咁浓，不过我觉得清清地又几正，有唔同既菜，够哂营养。个饭略嫌偏硬，薄饼点汁系素食界既邪恶呀！甜品只要早啲通知就可以写字做生日蛋糕，不过要加少少钱啦。绿茶马蹄糕既绿茶味好浓，都几清新。不过个人钟意伯爵茶蛋糕多啲，只怪太细了！