壽喜燒 友 (已結業)

最近朋友讲开寿喜烧，佢推介系铜锣湾装修几靓又多人既叫做「寿喜烧 友」特登叫埋钟意食嘅朋友去试下晚餐，入到去见到好日系，好似置身于竹林咁，朋友已经好钟意了😈先嚟个刺身，有真鲷、赤虾同马粪海胆。首先摆盘好整洁，色泽又光鲜。三款刺身都好新鲜，尤其钟意马粪海胆，浓郁既海鲜味同奶滑既口感，令人食不停口啊❤️再来和牛他他配最中饼，净系个卖相朋友都超级喜欢。和牛他他调味相当好味，又有鱼子酱，每啖食落都系高贵既口味。再配上熊仔外型既最中饼，越食越开心啊💚跟住寿喜烧A4和牛肉眼、西冷同肩肉，真系一流！肉质嫩滑，口感丰富，每一啖都有浓郁既牛肉味。肉汁锁系肉里面，保持了和牛既鲜美，三款都必食🧡仲有日本野菜，啲寿喜烧汁真系超好味。平时朋友都唔食菜，佢都大赞，仲食哂成碟，我都叹为观止💓呢间店既店员非常友善，又细心、食物又好味，必定会再嚟！