川燒 串燒·酒埸

营业中

休息中

行过铜锣湾见到川烧 串烧·酒埸装修好有feel，就约朋友嚟呢间串烧店试下，今晚食咗好多款菜式，全部都好好味，值得推介。川烧豆腐，啲豆腐大大块，食落去好脆好香口，加埋啲辣酱同葱更开胃。鹅肝煎双蛋饭，望落好似黯然销魂饭，鹅肝煎到好香，配合酱油同蛋捞饭食，食完好满足！烧法国鲜露笋，露笋够新鲜够juicy，洒咗少少孜然粉，味道更突出。川香肉碎烧茄子，茄子好多汁，有啲鱼香茄子嘅风味，真系好好食！如果你钟意食牛脷，就要试下佢地嘅烧特级厚切牛脷喇，牛脷好厚身，仲弹牙有咬口，加埋黑椒嘅味道，非常惹味。𠮶日仲试咗佢哋嘅时令海鲜，都非常出色，例如川味麻辣花甲，花甲好肉地亦唔算好辣。烧苏格兰蛏子皇，蛏子鲜甜好肉，而且蒜香美浓。食到饱饱，甜品就拣咗佢地嘅蜂蜜烧凤梨。凤梨烧得啱啱好，加上啲蜂蜜嘅甜味，又好食又健康。饮品我朋友叫咗啤酒，话串烧必备㖞。我就叫咗荔枝梳打酒，有大大粒荔枝系梳打酒入面，好清新好香甜呀。