影片
更多
2017-09-02
1516 浏览
久违嘅5人饭局终于成行，当然又要揾番间好西食。当日咁岩出开港岛区，朋友们又系住港岛，所以今次拣港岛区嘅餐厅。朋友话想食泰国野，于是集中睇下港岛区有咩好食嘅泰菜，最终揾到呢间泰菜，仲要有得订枱，评价都唔差，喺openrice 订枱有9折，所以即刻用app 订左枱先！金兰花原来有间总店喺湾仔，呢间系佢嘅分店，好似新开左唔系好耐。今日难得出嚟港岛，梗系要食好西！餐厅嘅位置有少少难揾，明明个地址系大街，点解喺大街揾唔到个门牌号码？原来佢系要入左巷仔先见到𠮶座大厦，感觉都几神秘。饮品我叫左泰式利宾纳，次次食亲泰菜都饮椰青真系饮到有d闷。见到饮品嘅名有d特别，所以叫嚟试试。原来呢杯泰式利宾纳系洛神花茶，味道酸酸甜甜咁都几开胃。5个人可以叫多d野食，先嚟半打串烧，3串鸡+3串猪，串烧本身已经腌得好够味，唔洗点太多汁都ok！青咖哩牛肉一上，朋友已经话要叫白饭。青咖哩好好味，送白饭真系绝配。青咖哩嘅牛肉就普普通通，不过其他嘅配料都算多，唔错嘅。炒椰菜苗系我食泰国菜必点嘅食物（如果有的话），椰菜苗嘅软硬度岩岩好，而且仲好惹味，好岩我口味。有得几个人食泰菜当然要点冬荫公，今日有5个人可以叫番个汤大家shar
朋友话想食泰国野，于是集中睇下港岛区有咩好食嘅泰菜，最终揾到呢间泰菜，仲要有得订枱，评价都唔差，喺openrice 订枱有9折，所以即刻用app 订左枱先！
金兰花原来有间总店喺湾仔，呢间系佢嘅分店，好似新开左唔系好耐。今日难得出嚟港岛，梗系要食好西！
餐厅嘅位置有少少难揾，明明个地址系大街，点解喺大街揾唔到个门牌号码？原来佢系要入左巷仔先见到𠮶座大厦，感觉都几神秘。
饮品我叫左泰式利宾纳，次次食亲泰菜都饮椰青真系饮到有d闷。见到饮品嘅名有d特别，所以叫嚟试试。原来呢杯泰式利宾纳系洛神花茶，味道酸酸甜甜咁都几开胃。
5个人可以叫多d野食，先嚟半打串烧，3串鸡+3串猪，串烧本身已经腌得好够味，唔洗点太多汁都ok！
青咖哩牛肉一上，朋友已经话要叫白饭。青咖哩好好味，送白饭真系绝配。青咖哩嘅牛肉就普普通通，不过其他嘅配料都算多，唔错嘅。
炒椰菜苗系我食泰国菜必点嘅食物（如果有的话），椰菜苗嘅软硬度岩岩好，而且仲好惹味，好岩我口味。
青咖哩牛 + 炒椰菜苗
20 浏览
1 赞好
0 留言
有得几个人食泰菜当然要点冬荫公，今日有5个人可以叫番个汤大家share 下！冬荫公好重香料味，不过又唔算太辣，亦都好够酸味，都算唔错。
冬荫公
26 浏览
1 赞好
1 留言
至于恐龙蛋原来系虾胶包皮蛋，亦都系常见嘅泰菜。卖相就好似麻麻地，可能因为只碟大左少少，中间望落吉吉地。味道就唔算特别有惊喜，同平时食嘅恐龙蛋味道系差唔多。
恐龙蛋
23 浏览
2 赞好
1 留言
泰式明炉乌头拣左青柠汤，明炉乌头当然都系要喺你面前滚下先有feel。鱼都算几大条，味道亦都好有泰式嘅味道！另外上鱼嘅时候亦都会俾多一碗汤你俾你之后加汤用。
泰式明炉乌头（青柠汤）
30 浏览
1 赞好
1 留言
食左咁多样野之后，大家已经饱得七七八八，枱面嘅野亦都清得七七八。我地开始顾住吹水，而侍应亦都好细心见我地枱面食得有d混乱，主动同我地执左张枱，仲叫我地可以慢慢坐。喺旺区食饭真系好少有咁贴心嘅服务，真系有d感动。
倾左一阵再望望餐牌谂住叫甜品食。未嚟之前已经见到有芒果糯米饭生日蛋糕，不过我地已经食得几饱下，只系口痕，所以只系叫左普通份量嘅芒果糯米饭。芒果糯米饭摆盘摆得好靓好似一朵花咁，味道亦都唔错，芒果仲好清甜。
芒果糯米饭
38 浏览
1 赞好
1 留言
椰汁千层榚有4件，有d斑兰味。千层榚烟烟韧韧，而且暖暖地，好有惊喜。虽然已经食到好饱，但系都仲觉得好好食。淡淡嘅斑兰香又有少少椰汁味，系泰国嘅味道，亦都为呢晚嘅晚餐划上完美嘅句号。
泰式千层榚
19 浏览
1 赞好
1 留言
埋单亦都自动波俾埋个9折，唔会好似有d餐厅咁要问先俾你！呢间餐厅服务真系唔错，做野好主动，食物亦都系水准之上，亦都好好坐又无限时，以后一定会再去帮衬！
张贴
