豐鮪

营业中

休息中

銅鑼灣利園附近，餐廳來來去去都係同一個格調，價錢小貴，主要食個裝修同埋地段。呢間小店位於渣甸坊後街，店舖毫不起眼，經過多次卻從未入去食過。最近喺網上見到食評，話呢間嘅吞拿魚非常之新鮮，有日收工經過，決定入去試吓。店舖面積不大，但係枱都擺放得非常整齊乾淨明亮，枱與枱之間有舒適嘅距離，餐廳提供左自取嘅白桃烏龍茶，好香白桃味之餘並唔甜，非常欣賞。開始落單，叫咗一個帶子肉餅飯，其實係香蔥吞拿魚蓉加1隻大嘅帶子。個飯已經包咗沙律、茶碗蒸、麵豉湯，只係$148 ，我哋叫咗兩個set，仲有折扣。非常鮮美的香蔥吞拿魚蓉，魚脂非常豐富，食得岀非常新鮮肥美。魚蓉冇整得好碎，所以食落仍然有口感，夾起魚蓉下面嘅壽司飯仲見到有一層薄薄嘅魚油。可以話係最近食過最好食嘅魚生飯👍🏻