Hugo Le Resto Grill (已結業)

今次同男朋友嚟铜锣湾揾食，位于大街都几容易揾，未到7点嚟到仲未有好多人，我哋拣咗个中间啲嘅位，拎嘢食都方便啲！自助沙律吧嘅种类都唔少，菜类好多，可以有唔同配搭！叫咗2个dinner set，先嚟嘅系餐包同龙虾汤，有牛油餐包同竹炭餐包，龙虾汤热辣辣，亦都有唔少龙虾肉~3成熟顶级牛腹肉扒，用铁板上，跟埋薯条同黑松露酱。仲有少少血水，好香好正呀！配少少盐仲正！薯条个酱都几出色，食食下都食晒~罗勒香草酱海鲜意粉，有好多唔同嘅海鲜，味道都几清新，不过阵味就唔系个个都接受到啦~最后仲有件蛋糕仔送添，质素都唔差架！