花都餐廳

怀旧餐厅够唔够都想食下，今日去到铜锣湾，打开个openrice睇下有咩食，点知见到好多食评都讲话平靓正，咁就上去试下啦，点样嚟到咁啱食饭时间，好多人，但系服务员服务态度都好好，我叫咗个西冷牛扒，佢话晏昼冇得嗌几多成熟夜晚就有，之后老公叫咗葡汁鸡扒饭，另外嗌咗半打串烧，两支牛两支鸡两支猪。个罗宋汤估唔到好好饮，平时出面啲例汤，讲真淡茂茂。呢度超浓。牛扒就ok啦不过不失啦，葡汁鸡扒饭个汁好好味，啲鸡都嫩滑，沙嗲串烧啲肉好嫩，唔会干真真佢个沙嗲酱其实好食但唔知点解要咁杰见到其他人嗌𠮶啲午餐，讲真而家喺香港，仲要系闹市，边度揾到40几,50蚊性价比咁高嘅嘢呀,我见人哋嗌𠮶啲午餐都好大碟㖞。加油呀 ，忍唔住即刻真系要写食评，赞下。