P.B.S. Premium Burger & Sandwich (已結業)

铜锣湾嘅希云街有唔少人气餐厅，其中呢间主打汉堡包嘅P.B.S. Premium Burger & Sandwich就系我哋近期最爱！因为餐厅嘅汉堡包款式够多之余，仲真正即叫即做，够晒新鲜热辣！加上牛肉汉堡系人手手打，非常juicy，绝对系必食推介。经典手工和牛汉堡餐厅嘅代表作当然就系经典手工和牛汉堡啦！汉堡以澳洲和牛牛肉同顶级安格斯牛肉混合而成，加上全人手手打，所以食嘅时候爆晒汁，肉味浓郁，非常juicy！汉堡包入面仲加入鸡蛋、生菜、酸瓜、烟肉、洋葱、蕃茄、芝士用埋蛋黄酱，成个汉堡包非常足料大大个，大口如M佬嘅都唔可以一大啖咬落去，但绝对系口感丰富！至于面包亦唔系马虎了事，餐厅特登搜罗本地面包铺嘅高质面包，并预先烘烤，所以我哋食嘅时候就非常香脆。鸡肉凯撒沙律三文治除咗汉堡包，餐厅亦有多款三文治，最深得我心嘅就系鸡肉凯撒沙律三文治。三文治上面有唔少鸡胸肉，食得健康之余，鸡肉仲唔会太干太嚡。凯撒沙律有好多蔬菜，加上沙律酱汁，非常惹味。黑松露薯条薯条即叫即炸，非常香口！每一条薯条都布满黑松露味粉，加埋秘制酱汁，好好味！