龍門冰室 (已結業)

同朋友喺铜锣湾行完街之后，喺附近揾咗间茶餐厅，打算平平哋食个晚餐。餐厅嘅选择好多，有中式、西式、日式、韩式，体现左香港茶餐厅嘅百搭精神，咩都有啲😂。同朋友两个人叫咗两个餐同一个小食，葱油鸡扒捞丁配餐饮（$50）、牛油带子意粉配餐汤、沙律、餐饮（$80）加蜜糖鸡翼（$45）。葱油鸡扒捞丁，鸡扒大大块，煎香之后上面配有葱油，所谓嘅葱油其实就系食烧味配嘅姜葱蓉，够晒香口，仲配埋甜豉油，够晒重口味，加强大家味蕾上嘅刺激。整体配搭邪恶之余都几好味，而且以晚餐来讲，价钱唔贵，都算值得一试。至于牛油带子意粉，落足牛油去煮个意粉，牛油味香浓，令到个意粉非常好食，唯一可惜左少少嘅系，带子过煎而带点烧焦味，影响咗整体味道，不过我谂改善咗呢一点都相当唔错。而蜜糖鸡翼，表面煎到好香口，配埋蜜糖无得输！