美味廚 (已結業)

系铜锣湾成日食西餐日本菜韩国炸鸡，有时食下中菜都几好，而且价钱又唔贵又好食！椒盐豆腐皮好薄，又唔会因为薄而令到个豆腐唔脆！豆腐都滑身，而且份量都算多。猪排上海粗炒粗炒系我每次食上海野都必叫既！猪排上海粗炒同就咁粗炒价钱差唔多，我呢个食肉兽紧系叫有猪排既上海粗炒啦！粗炒入面有笋、冬菇，食落冇咁卦之余，佢个调味岩岩好啊，唔会太甜又唔会太咸，岩岩好！猪排好多，好大旧！啖啖肉，正啊！年糕回锅肉因为怕就咁叫回锅肉会太多肉，太邪恶！见佢有年糕回锅肉，感觉上冇咁邪恶，哈哈！年糕煮得好淋，唔系好烟韧个种年糕，回锅肉既猪肉切得好薄，食落去好滑，就算食肥膏既位都唔觉得好漏好肥！再加埋d菜一齐食，呢道菜我十分推介！