樂心冰室

营业中

休息中

每次喺铜锣湾唔知食咩好，就会谂起乐心。只因快靓正，又够晒平。是日因为赶住返工，所以又走左黎乐心。次次黎乐心都系叫常餐。乐心常餐同一般茶记一样，都系有多士+蛋+火腿+叉烧通，我几乎都系叫通粉同炒蛋，但今日觉得要转一转，叫意粉同煎蛋。多士要趁热食，不过有时会太多牛油，要“撩”走啲，多士够哂大块，好饱肚。火腿无咩特别。煎蛋原来得一只，炒蛋份量会大啲。叉烧意有4-5块叉烧，一啲都唔孤寒，汤底应该系鸡汤，意粉份量都唔少，意粉唔会过淋又唔会过硬，以呢个价钱黎讲算非常抵食。除左常餐，乐心仲有其他炒嘢食，下次可以试下。