Grill ขนทอง (駱克駅)

营业中

休息中

銅鑼灣午餐及晚餐平靚正之選！經過Grill門口玻璃窗，被一排排燒得漂亮嘅串燒所吸引!睇睇餐牌，估唔到set都只係$66-$72，仲送埋飲品！套餐全日供應，款式都好多。泰式串燒雞肉菠蘿炒飯($66)雞肉串燒燒得好好，外面微焦，雞肉依然嫩滑，泰式醬汁調得惹味。菠蘿炒飯如果炒得乾身d就更好。泰式去骨海南雞飯($66)雞件有五件，唔算太多，不過部位都幾靚，肉質嫩滑，油飯香口得黎又唔會太油膩。有齊甜豉油及泰式辣醬，泰式辣醬酸辣開胃，唔錯。另外散點佐串燒。串燒頗有驚喜，每款都醃得入味，燒得金黃唔會乾身，同泰式醬汁好夾！特別推薦泰式魚餅($25)、燒雞翼($22)、豬頸肉($25)！