影片
更多
2017-04-05
77 浏览
系铜锣湾行街行到攰，想揾地方Hea又唔想再去行更远，喺时代广场周围望见到对面大厦有间类似cafe嘅餐厅，谂都无谂就上左去。餐厅地方虽然唔大，但环境都好舒适。望住个景都好靓，对正时代广场心脏地带全景。望住咁繁荣人来人往嘅街景，又同朋友轻松倾吓计，感觉好特别。虽然有得散叫，但叫套餐比较方便同抵食。佢嘅套餐系断人头计，一人大概＄200 ,包晒前餐饮、前菜、汤、主菜、甜品、后餐饮等，好抵食。落咗order 未有嘢食，就同朋友玩下铺头提供嘅Card games,波字棋。一边玩，一边饮下餐前饮，我地叫左两杯雪糕水蜜桃梳打，有阵阵水蜜桃香，仲有雪糕食，岩晒我黎d咁为食既人。前菜有酥皮螺肉挞，一人有两粒，酥皮食落好松化，不过酱汁味道盖过螺肉，我地连食左螺肉都唔知。餐汤就正正常常，如果餐具精美会食得更开心。跟住落嚟嘅鹅肝，系黎一餐饭嘅重头戏。上菜时我同朋友都望住对方，心谂，块鹅肝会唔会太大块！而且煎得唔差，鹅肝嘅汁完全锁晒系入面，食细细啖已经满口鹅肝嘅香味。佢会比块面包你送鹅肝，令你唔会觉得太腻。就到主菜啦，有卡邦尼火腿意粉同埋猪肋骨加薯仔屋出名既芝士薯条。你份量实在好大，我觉得如果系三个人份量先岩岩好
餐厅地方虽然唔大，但环境都好舒适。望住个景都好靓，对正时代广场心脏地带全景。望住咁繁荣人来人往嘅街景，又同朋友轻松倾吓计，感觉好特别。
虽然有得散叫，但叫套餐比较方便同抵食。佢嘅套餐系断人头计，一人大概＄200 ,包晒前餐饮、前菜、汤、主菜、甜品、后餐饮等，好抵食。
落咗order 未有嘢食，就同朋友玩下铺头提供嘅Card games,波字棋。一边玩，一边饮下餐前饮，我地叫左两杯雪糕水蜜桃梳打，有阵阵水蜜桃香，仲有雪糕食，岩晒我黎d咁为食既人。
前菜有酥皮螺肉挞，一人有两粒，酥皮食落好松化，不过酱汁味道盖过螺肉，我地连食左螺肉都唔知。餐汤就正正常常，如果餐具精美会食得更开心。
跟住落嚟嘅鹅肝，系黎一餐饭嘅重头戏。上菜时我同朋友都望住对方，心谂，块鹅肝会唔会太大块！而且煎得唔差，鹅肝嘅汁完全锁晒系入面，食细细啖已经满口鹅肝嘅香味。佢会比块面包你送鹅肝，令你唔会觉得太腻。
就到主菜啦，有卡邦尼火腿意粉同埋猪肋骨加薯仔屋出名既芝士薯条。你份量实在好大，我觉得如果系三个人份量先岩岩好。
意粉食落有奶香味，但系偏干身，如果多啲汁会更好食。猪肋骨份量超级大，虽然冇高级西餐厅咁好食，但系性价比好高，如果肉质嫩少少会更好。我同朋友都好钟意食配菜，薯仔屋招牌薯角，系我哋嘅最爱，啱啱炸起好新鲜，加埋浓郁酱汁，全部俾我地清晒。
食完主菜，仲有甜品！系雪糕泡芙，有新鲜士多啤梨， 卖相味道都唔错。原本个餐仲包埋两杯餐后饮品，但我同朋友实在太饱，所以冇饮到。
小桃咖啡室位置10分方便，好啱行街行到攰嘅朋友、放工倾吓计、开party。价钱都系＄200个左右，有得玩有得食，好抵，会再去！
张贴
