影片
更多
2024-11-22
983 浏览
希慎广场 B2 早阵子装修完都未有时间去。今日喺附近做嘢就约咗个朋友去睇下。虽然佢似系一个 food court 形式嘅楼层，但餐厅嘅选择一啲都唔 hea，好似今日约朋友去呢间 Cooley Oysters ® The Fine Restaurant 咁。除咗有自己独立嘅 area 外，仲有 bar 枱可以睇住啲厨预备食物。我哋叫咗2个意粉同 4 只生蚝. 意粉可以 +$18 拣特式饮品. +$78 加蚝或者香煎大虾沙律同埋汤及甜品. 🦪Cooley Oysters 系养殖嘅生蚝，所以以养殖时间长短嚟分类。我哋叫咗- Cooley Gold® 36 months $48/只- Cooley Gold® 54 months $68/只虽然只系养多18个月，但 size 嚟讲, 54 months 嘅Cooley Gold®就相对大只好多。2款生蚝都唔系好肥大超级 creamy 嘅类型，而系入口清新又满满嘅海水味同蚝嘅鲜味嘅种类。唔好以为养蚝就会比下去，呢 2 款蚝都好！鲜！味！🍝香煎带子配三文鱼籽及海胆酱意大利粉 $128- 带子比轻轻煎香，而三文鱼籽满满，淡淡嘅海胆味同velout
我哋叫咗2个意粉同 4 只生蚝. 意粉可以 +$18 拣特式饮品. +$78 加蚝或者香煎大虾沙律同埋汤及甜品.
🦪Cooley Oysters 系养殖嘅生蚝，所以以养殖时间长短嚟分类。我哋叫咗
- Cooley Gold® 36 months $48/只
- Cooley Gold® 54 months $68/只
虽然只系养多18个月，但 size 嚟讲, 54 months 嘅Cooley Gold®就相对大只好多。2款生蚝都唔系好肥大超级 creamy 嘅类型，而系入口清新又满满嘅海水味同蚝嘅鲜味嘅种类。唔好以为养蚝就会比下去，呢 2 款蚝都好！鲜！味！
🍝香煎带子配三文鱼籽及海胆酱意大利粉 $128
- 带子比轻轻煎香，而三文鱼籽满满，淡淡嘅海胆味同velouté好夹，慢慢喺个意粉酱渗出嚟，适合钟意食浓浓velouté sauce 嘅朋友
🦞加拿大龙虾意式扁意粉 $168
- 加拿大龙虾意式扁意粉系呢度嘅招牌菜，sauce 都系比较 creamy 同rich 值得一提系佢个龙虾钳系已经拆咗个壳，超细心! 可以大啖肉咁放入口，正吖!
香煎大虾沙律
份量适中嘅沙律有车厘茄，配埋微酸嘅沙律 sauce 同煎香咗嘅大虾，令到味道好 rich，绝对有质数！
汤
是日精选系粟米南瓜汤，好 creamy 打得好滑嘅南瓜汤加咗粟米为呢个汤增加咗口感同层次。
🥧甜品
- 轻轻嘅朱古力芝士蛋糕甜度适中，食完意粉都唔会觉得佢腻。
🥤饮品
- 我哋点咗热情果乌龙茶同四季柠檬茶，虽然饮品本身已经预制无得拣甜度，但原来饮品本身一啲都唔会太甜，反而系走清新风嘅微糖饮品。
最后想讲嘅系佢哋嘅侍应好细心，特别系果位唔识中文嘅男侍应，佢会主动问我哋食物 o 唔 ok，要唔要换碟，服务系超好。以呢个价钱，意粉份量㥤，食物质素同服务都系超抵！
张贴
