蘇媽.蘇媽馬來西亞茶餐室 (已結業)

最近口痕想食马来西亚菜，今日经过铜锣湾，朋友推介我食苏妈.苏妈！成日都见到好多人推介苏妈.苏妈，但我都未食过，今日终于有机会试吓。我见到啲午市精选套餐都几抵食，大多数$6X就有个主食同嘢饮。槟城福建虾面（油面）$66虾面香味十足！汤头非常鲜甜，虾味浓郁，带微辣，好好饮。福建虾面配料众多，有虾、猪腩肉、通菜、芽菜、鱼片同蛋。油面弹牙，配埋汤一齐都几好食。辣死你吗配烤鸡髀 $72依碟椰浆饭个名几搞笑🤣，辣死你吗就即系椰浆饭！依碟辣死你吗有只大鸡髀、椰浆饭、参巴酱、青瓜、花生、干鱼仔、虾片同蛋。椰浆饭呈绿色，每啖都散发出淡淡嘅椰香味。鸡髀非常大只，肉质嫩滑多汁，有阵盐焗鸡嘅味，外皮香脆。参巴酱系来自马来西亚嘅特别辣酱，捞埋落饭度一齐食，更加惹味。椰香咖央多士 +$20$20加配四块咖央多士好抵食！咖央多士非常多酱，有满满嘅牛油同咖央酱，一咬落去啲酱就流晒出嚟。多士烘得非常香脆，咖央酱香甜，非常出色！冻奶茶 +$5冻奶茶偏甜，奶味重。美禄恐龙 $38冰冻嘅美禄饮品再加上未溶化的美禄粉，好特别～面头美禄粉会脆脆地，口感特别。