山止川行 (已結業)

铜锣湾出名多好嘢食😋不过多数都系西餐厅同埋cafe比较多，估唔到连川菜都有！仲要价钱都几相宜😳我哋分别叫咗2个「山止川行一人午市套餐」$128未计加一，可以拣2款前菜、1款主菜而且仲包埋汽水/酸梅汤☝🏻超丰富！.一齐嚟睇吓我哋食咗啲咩先🥢前菜：😋红油蒜泥白肉四川口水鸡红油青瓜牛展雷椒皮蛋虽然系跟餐前菜，但系摆盘完全唔马虎，仲好精致添❤️蒜泥白肉以卷状形式呈现，令香料可以渗透喺肉片同埋青瓜片入面，好惹味；口水鸡唔会太辣，而且啲鸡肉颇嫩滑，唔错；牛展口感弹牙，同青瓜嘅爽脆口感好夹；雷椒皮蛋系送饭一流嘅~压辣嘅尖椒再加入多种调味料，令尖椒更容易索晒啲汁料，连同皮蛋一齐食，非常开胃😋.主菜：酸菜桂花鱼水煮安格斯牛肉呢两道主菜卖相极之吸引，啲桂花鱼几嫩滑，而且酸菜汤亦唔错，多种调味料连同桂花鱼一齐送饭，愈食愈开胃🥰水煮安格斯牛肉唔会太辣，少少麻，牛肉亦煮得刚好，几juicy唔会「鞋烚烚」☝🏻.食完呢两个一人餐其实都好饱下，但系想食埋个甜品，感觉圆满啲~所以我哋额外再叫咗个豆沙锅饼😋豆沙馅唔会太甜，几香浓豆味，而且外皮炸得金黄酥脆，厚薄控制适中，唔错👍🏻个人表示欣赏.整体嚟讲，呢度性价比几高，食物份