影片
更多
2024-01-04
118 浏览
呢排食左间几特色而且非常抵食嘅私房菜 lechefeteria ，法国菜嘅同时，加入左好多东南亚嘅风味，好有新鲜感。causal dinner set 最低消费$500都唔洗，由小食嘅芋头片同面包篮，甚至喺个牛油都系自家制都好够诚意。餐汤嘅南瓜姜浓汤同龙虾浓汤强调用嘅系椰子奶而唔系用普通忌廉，滑而不漏，椰香又唔会令整体违和。南瓜姜浓汤更带有一啲东南亚香料味，唔似一般嘅南瓜汤，都几新颖。appetiser 系佢地招牌油封鸭腿意大利饭都好够癫😂 36个钟慢煮鸭腿，经过非常繁复嘅步骤先煮成（由橄榄油经过海量鸭腿嘅浸泡之后变成嘅鸭油再油封）鸭油无晒但充满着风味，配埋risotto 一齐食都几好食！主菜当日拣左 亚米大厨法式传统罗西尼鹅肝：香煎鹅肝、红酒酱、烟熏阿根廷黑安格斯牛里脊、薯蓉、时菜同韩国帝皇三文鱼卷、海鲜及猪手米粒意粉，前者嘅阿根廷黑安格斯牛里脊用上椰壳烟熏，好香，而且even 咁生都唔会有血水，肉味好浓，配埋用左椰奶做嘅薯蓉，好滑但唔漏，加埋红酒汁绝对系一绝。香煎鹅肝都做得好出色，煎得岩岩好，入面仲系好淋身，好好食🥹 后者嘅三文鱼卷系用蕉叶包住左自家制泡菜一齐煮，蕉叶嘅香味同三文鱼
主菜当日拣左 亚米大厨法式传统罗西尼鹅肝：香煎鹅肝、红酒酱、烟熏阿根廷黑安格斯牛里脊、薯蓉、时菜同韩国帝皇三文鱼卷、海鲜及猪手米粒意粉，前者嘅阿根廷黑安格斯牛里脊用上椰壳烟熏，好香，而且even 咁生都唔会有血水，肉味好浓，配埋用左椰奶做嘅薯蓉，好滑但唔漏，加埋红酒汁绝对系一绝。香煎鹅肝都做得好出色，煎得岩岩好，入面仲系好淋身，好好食🥹 后者嘅三文鱼卷系用蕉叶包住左自家制泡菜一齐煮，蕉叶嘅香味同三文鱼融埋一体，自家制泡菜嘅香辣同酸味配三文鱼都好夹，仲有去左皮嘅车厘茄，都几惹味！旁边仲有猪手同米仔粉，劲丰富！
甜品方面，banana roti无喺泰国食嘅咁肥腻，原来佢地再焗，所以外脆但一啲都唔油，同埋甜味全来自香蕉同自家制泰茶雪糕，香港都好少地方有得食☺️ chocolate brownie 好浓朱古力味但又唔太甜，口感仲好软熟，都唔错。最后饮埋杯法国茶真系无得顶！
整体黎讲我觉得性价比都几高，铜锣湾食私房菜又唔洗加一仲要食得劲饱已经好好，仲要每一个菜式都食得出特色而且食落唔会好滞，味道都好天然，大部分嘅野都系自家制的确都系加分位，重要位置易揾但私隐度都几好，又无限时，都几值得推介。
张贴
