616牛肉火鍋專門店 (新時代中心)

营业中

休息中

成日约朋友食饭，谂唔到食乜就去打边边😆呢晚去左试616边炉，冇食一排估唔到有得食和牛，份量都几多，价钱合理，而且平日客人唔太多，坐得几舒服～❀特选和牛盛❀有信州和牛赤身、羽下肉及胸肉。信州牛系用苹果饲养，肉质特别肥美鲜甜又柔软，当中以牛胸肉最香口，而赤身嘅油脂分布就岩岩好。❀滑尾龙❀用蛋汁捞埋牛肉食，牛肉特别嫩滑，觉得系最高CP值既一款。❀澳洲五花趾❀跟和牛餐附送既，切得几薄，肉质富有弹性，口感爽脆。❀花雕醉鸡卷❀鸡肉卷好嫩滑，煮到好入味，入口有阵阵酒香，重点系用瘦鸡，食多几旧都唔怕肥！❀黑豚浓汤饺❀皮薄肉馅多，好多汤汁，黑豚肉份量厚实，味道甘甜。❀野菌双拼❀因为想食多d纤维就点，菇菇洗得几干净，又大粒，打边炉食令汤底都多左阵菇菌香气。❀皇帝菜❀打边炉必点嘅皇帝菜，食落口感爽脆，有清肠胃功效。