鐵板一 (裝修中)

🔥🔥闻说铜锣湾有间性价比好高，食铁板餐嘅餐厅，今晚去附近shopping完，终于有机会试吓。餐厅环境好别致，有大量绿色植物，响度食饭感觉好舒服。🦞🦞生硐食肉瘦餐（本身$328，而家半价$164，真系好抵🤩🤩）- 包餐汤（罗宋汤或忌廉汤）、沙律、主菜可选肉类及海鲜各一款，连餐饮。我哋点咗西冷牛扒加半只龙虾，铁板上，仲有唔少蔬菜。牛扒肉质鲜嫩，要咗七成熟都唔会鞋口。龙虾好爽口，配埋洋葱汁，好开胃。🐮🐮另外点咗一个set dinner，杂扒铁板餐（$148）- 同样有餐汤，主食包括猪扒、鸡扒、牛脷同烟肉，亦有餐饮提供。各种肉类味道都唔错，跟牛菌汁食，好惹味。🍀🍀餐厅环境好靓，枱与枱之间嘅距离都算宽敞。食物质素亦相当好，呢个价钱食铁板餐真系几抵。