影片
更多
2019-10-27
487 浏览
同男朋友去左铜锣湾行街街买衫买鞋准备迎接秋冬嘅到黎，大出血之后，我地两个都好鬼肚饿，而银包入面嘅子弹亦都所余无几，所以就沿住谢斐道行去揾好西食。见到呢间汤火功夫，门面装饰都几新同埋干净，而且价位同茶记差不多，有得试下新口味同平时食开的茶记常餐，我地两个二话不说简左呢个黎尝鲜。呢度嘅野食有D似系重庆车仔面咁，由汤底、麻度、辣度、菜粉、粉面，到餐饮都系任你自己自由配搭，填好张菜单俾店员入单就得。呢度有4款汤底可以简，有招牌麻辣烫、无汤麻辣拌、番茄汤底同泰式冬阴功汤汤底，有中式，又有泰式口味。粉面方面，有河粉、粗面、油面、细面、米线、公仔面、薯粉、米粉，选择都几多。菜蔬有差不多20项可以简，而丸呀、肉呀、海鲜加加埋埋差不多有成30款选择，而麻度辣度都可以由唔辣调到去大辣都可以，无论你系食素、食肉兽、食唔到辣嘅，无辣不欢嘅，系呢度都一定会简到岩食嘅野！男朋友简左小麻小辣嘅招牌麻辣汤米线，配通心菜、唐生菜、重庆酥肉。我就简左唔麻唔辣嘅麻辣汤薯粉，配油麦菜、菠业、鱼腐。如果简唔辣的话，会食到比较重D嘅花生酱味，味道类似担担面汤底咁。我地试左米线同薯粉，一致觉得薯粉好食D，因为个口感Q弹，同埋好索味
同男朋友去左铜锣湾行街街买衫买鞋准备迎接秋冬嘅到黎，大出血之后，我地两个都好鬼肚饿，而银包入面嘅子弹亦都所余无几，所以就沿住谢斐道行去揾好西食。见到呢间汤火功夫，门面装饰都几新同埋干净，而且价位同茶记差不多，有得试下新口味同平时食开的茶记常餐，我地两个二话不说简左呢个黎尝鲜。
呢度嘅野食有D似系重庆车仔面咁，由汤底、麻度、辣度、菜粉、粉面，到餐饮都系任你自己自由配搭，填好张菜单俾店员入单就得。呢度有4款汤底可以简，有招牌麻辣烫、无汤麻辣拌、番茄汤底同泰式冬阴功汤汤底，有中式，又有泰式口味。粉面方面，有河粉、粗面、油面、细面、米线、公仔面、薯粉、米粉，选择都几多。菜蔬有差不多20项可以简，而丸呀、肉呀、海鲜加加埋埋差不多有成30款选择，而麻度辣度都可以由唔辣调到去大辣都可以，无论你系食素、食肉兽、食唔到辣嘅，无辣不欢嘅，系呢度都一定会简到岩食嘅野！
男朋友简左小麻小辣嘅招牌麻辣汤米线，配通心菜、唐生菜、重庆酥肉。我就简左唔麻唔辣嘅麻辣汤薯粉，配油麦菜、菠业、鱼腐。
如果简唔辣的话，会食到比较重D嘅花生酱味，味道类似担担面汤底咁。我地试左米线同薯粉，一致觉得薯粉好食D，因为个口感Q弹，同埋好索味，入口更香浓，天加下饭。配菜份量都几多下，个人几钟意呢度多菜类简，因为好多餐厅想揾条菜食都好难。呢度$60几蚊食到好饱，系铜锣湾黎讲性价比算系几高了。
奶茶茶味香浓，入口都几滑。
酸梅汁比我想像中易入口，无想像中咁酸，入口只系少少酸，都几清凉。
冻奶茶 酸梅汁。
张贴
